१९४७ साली देश स्वतंत्र झाला. शिक्षणाचे वारे देशभर अधिक वाहू लागले होते. कै. अण्णासाहेब कर्वे, महात्मा ज्योतिबा फुले, सावित्रीबाई फुले, न्यायमुर्ती रानडे, रमाबाई रानडे यांनी स्त्री शिक्षणांची चळवळ जोरात चालू केली होती. रत्नागिरीमध्ये कर्वेंची मानसकन्या सौ. मालतीबाई जोशी व श्री. बाबूराव जोशी यांनी १९२५ साली मुलींची शाळा काढून स्त्री शिक्षणाचा पाया रोवला. १९३३ साली रत्नागिरी एज्युकेशन सोसायटीची स्थापना केली. गोगटे कॉलेज सुरु केले. शिर्के हायस्कूल सुरु झाले. मा. अरुअप्पा जोशींनी संस्थेचा आणखी विस्तार केला. लॉ कॉलेज, श्रीमान गंगाधर गोविंद पटवर्धन इंग्लिश मिडीअम स्कूल सुरु झाले. ल. ग. पटवर्धन प्राथमिक विद्यामंदिर, मालतीबाई जोशी प्राथमिक विद्यालय या प्राथमिक शाळा सुरु झाल्या. ग्रामीण भागात केळ्ये येथे गोडबोले विद्यालय हे हायस्कूल सुरु झाले. शिर्के प्रशालेच्या प्रांगणात गुरुकुल प्रकल्प सुरु झाला. आता महाराष्ट्रातील बहुदा पहिलाच इंग्लिश मिडीअम गुरुकुल प्रकल्प सुरु झाला आहे. गोगटे जोगळेकर महाविद्यालयाने नॅकचे ए दर्जाचे मानांकन तीन वेळा प्राप्त केले आहेच. त्याचबरोबर ‘कॉलेज वुईथ पोटेंशिअल फॉर एक्सलन्स’ चा दर्जा व ग्रँट प्राप्त झाली आहे. अभ्यंकर कुलकर्णी कनिष्ठ महाविद्यालय कोकण बोर्डात सातत्याने अव्वल आहे. अरुअप्पा जोशी स्पर्धा परीक्षा केंद्रातून प्रशिक्षण घेऊन यशस्वी झालेले अनेक जण आज विविध शासकीय आस्थापनात विविध पदांवर कार्यरत झाले आहेत. रमेश कीर कला अकादमीचे अनेक कलावंत चित्रपट, टीव्ही मालिका, नाटके इत्यादी माध्यमांतून आपला ठसा उमटवत आहेत. ह्या सर्व बाबी आम्हांला अभिमानास्पद आहेत. बारटक्के इन्स्टिट्यूट उपयुक्त संगणक अभ्यासक्रम कोकणातील विद्यार्थ्यांना उपलब्ध करून देत आहे. काळाची गरज ओळखून परदेशी भाषा केंद्र जर्मन जापनीज सारख्या भाषा.शिकण्याची संधी विद्यार्थ्यांना उपलब्ध करून देत आहे. आती पर्यंत संस्थेतून जवळ जवळ १००००० विद्यार्थी शिकून बाहेर